रौतहट÷रौतहटको दुर्गा भगवति गाउ“पालिकाका पूर्व अध्यक्षलाई पक्राउ गर्न जिल्ला अदालत रौतहटले प्रहरीलाई अनुमति दिएको छ । पुर्व गाउ“पालिका अध्यक्ष अरुण साहलाई जग्गा सम्बन्धी रकम ठगी गरेको मुद्दामा पक्राउ गरी अनुसन्धान गर्न इलाका प्रहरी कार्यालय गरुडाले जिल्ला अदालत गौर सँग अनुमति माग गरे बमोजिम जिल्ला अदालतले पुर्व गाउपालिका अध्यक्ष साहलाई पक्राउ पूर्जी जारी गरेको हो ।
पक्राउ पुर्जीमा गरुडा ६ पोठियाहीका संतोष कुमार चौधरीले काठमाण्डौ नागार्जुन ४ बस्ने विमला देवी श्रेष्ठ र धिरज श्रेष्ठ संग सर्लाही जिल्लाको हरिपुर वडा नं. ७ मा रहेको जग्गा खरिदका लागी भएको सम्झौता बमोजिम विभिन्न चरणमा १ करोड ४३ लाख रकम नगद र चेक मार्फत बुझाएका थिए । सो जग्गा खरिदविक्रीमा आर्थिक लाभ सहित जोडिएका पूर्व गाउ“पालिका अध्यक्ष साहले बैंक मार्फत १० लाख रुपैंया लिएर चौधरीको नाममा जग्गा पास गराइदिने आश्वासन दिएका थिए ।
जग्गा खरिदकर्ता चौधरीले आफ्ना ससुरा प्रभन्य चौधरीको नाममा रहेको नेपाल बैंक लिमिटिडको चेक मार्फत २०८१ भदौ १९ गते अरुण साहलाई चेक दिए पनि उनले जग्गा पास नगराएर आलटाल गर्दै आएको भन्दै चौधरीले पीडक विमला श्रेष्ठ, धिरज श्रेष्ठ र अरुण साह माथि १ करोड ४३ लाख ५० हजार ठगी गरेको ठगी मुद्दा दायर गरेका थिए ।
पूर्व पालिका अध्यक्ष सहित तिन जनालाई पक्राउ पूर्जी जारी भएको छ ।” ईलाका प्रहरी कार्यालय गरुडाका डिएसपी राजन कार्कीले भने “मुख्य अभियुक्तहरुसगै पूर्व अध्यक्ष साहलाई पनि प्रहरीले कानून बमोजिम पक्राउ गर्ने तयारी गरेको छ ।”
तिनै जनालाई पक्राउ गर्न इलाका प्रहरी कार्यालय गरुडाले जिल्ला अदालत गौरलाई जेठ १३ गते अनुमति माग गरे बमोजिम अदालतबाट पक्राउ पूर्जी जारी भएको डिएसपी कार्कीले बताए । श्रोतले दिएको जानकारी अनुसार गाउपालिका अध्यक्ष साहले अझ ठुलो रकम माग गरेको र सो रकम दिन नसक्ने भएपनि कामलाई अवरोध गरेको पीडितको भनाई छ ।
पैसाको पछि लाग्दा दुर्गा भगवति गाँउपालिकाका पूर्व अध्यक्ष साहलाई पक्राउ पूर्जी
